Nú trýstir Óluva í Gong

Óluvá í Gong, forkvinna í Felagnum Føroyskir Sjúkrarøktarfrøðingar, hevur í dag boðað sjúkrahúsverkinum frá, at allir sjúkrarøktarfrøðingarnir, sum eru til arbeiðis, skulu hava yvirtíð svarandi til at arbeiða sunnudag. Tað vil siga, at tey skulu hava 50 prosent oman á lønina fyri hvønn tíma, ið tey arbeiða.

Hetta er eitt krav fyri, at undantøkini kunnu halda fram. Tað merkir, at skal Sjúkrahúsverkið yvirhøvur hava sjúkrarøktarfrøðingar til arbeiðis, so skulu tey rinda yvirtíð fyri hetta.

Vit hava enn ikki fingið at vita, hvat sjúkrahúsverkið ger við hetta kravið, men Kringvarpið fylgir málinum.