Loft á tøkugjaldið

Sambandsflokkurin er komin við uppskoti um at broyta lógina um tøkugjald.

Størsti andstøðuflokkurin mælir til, at tøkugjaldið fyri laks, sum verður virkaður, skal hava eitt loft, 7,5 prosent.

Uppskotið eitur áseting av lofti í tøkugjaldinum fyri part av laksaframleiðsluni, sum fer til meirvirking.

Sambandsflokkurin sigur, at tøkugjaldið og serliga tøkugjaldsstigin eiga ikki at forða fyri, at til ber at meirvirka laks.

Tøkugjaldið fyri tann laksin eigur í mesta lagi at vera 7,5 prosent.

Tá marknaðarprísurin er meira enn 20 kr. fyri kilo størri enn framleiðslukostnaðurin, fer minni at koma inn í tøkugjaldi, verður uppskotið samtykt.