Ákærdur fyri at drepa sálarlækna í Glostrup

Maðurin, sum í summar drap ein sálarlækna á einum sjúkrahúsi í Glostrup, er nú ákærdur.

41 ára gamli maðurin er ákærdur fyri dráp og tvær drápsroyndir.

Hann er eisini ákærdur fyri nógv annað. Ákærurnar eru 13 í tali.

Tær eru um harðskap, hóttanir, herverk og neyðtøkuroynd.

66 ára gamli kvinnuligi sálarlæknin, sum var dripin á sínum arbeiðsplássi, var ættaður úr Føroyum, men búði í Malmø.

Maðurin hevur verið í varðhaldi síðani 22.juli.