256 fólk arbeiðsleys í oktober

Arbeiðsloysið var 0,7 prosent í oktober. Tað svarar til 223 fulltíðararbeiðsleys. 

Fulltíðararbeiðsleys eru fólk, sum eru arbeiðsleys allan mánaðin. 

Eru tvey fólk arbeiðsleys hálvan mánað hvørt, telja bæði sum eitt fulltíðararbeiðsleyst fólk.

Í oktober vóru 256 fólk arbeiðsleys.

Minni enn eitt prosent síðani í fjør

Arbeiðsloysið hevur verið minni enn eitt prosent síðani apríl í fjør.

Arbeiðsloysið er 0,7 prosent, bæði hjá monnum og kvinnum.

Arbeiðsloysið er minst í Vágum og í Norðoyggjum. Tað er størst í Suðuroynni.

Arbeiðsloysið er minst í aldursbólkinum 45 til 54 ár og størst hjá teimum 25 til 34 ára gomlu.