Teistin fer væntandi at sigla á nólsoyarleiðini

Tað verða helst nólsoyingar, sum í fyrstu atløgu fáa gleði av Teistanum, tá Sandoyartunnilin letur upp beint fyri jól, og tí ikki longur verður brúk fyri skipinum á sandoyarleiðini.   

Landsstýrismaðurin í samferðslumálum, Dennis Holm, tekur undir við Strandferðsluni um ikki at selja Teistan, tí royndarsiglingarnar hava víst, at hann kann brúkast á nólsoyarleiðini uttan stórvegis tillagingar á landi.

Teistin kann eisini røkja kalsoyarleiðina við at gera nakrar størri tillagingar á ferjulegunum í Klaksvík og á Syðradali. 

Hoyr innslag í útvarpstíðindunum: 

Tá Teistin væntandi fer at røkja nólsoyarleiðina, verður Ternan tøk sum avloysaraskip.

Ætlanin er eisini, at Ternan skal gera nakrar túrar um vikuna av Gomlurætt út í Hest, so møguligt verður at flyta bilar ímillum, sigur Dennis Holm, landsstýrismaður.