Rættindi hjá teimum, ið bera brek, verða skerd í krepputíðum

Hjá teimum, ið bera brek, rakti eitt nú koronutíðin harðari enn hjá øðrum.

Tað er uppáhaldið hjá norðurlendska felagsskapinum Handicaporganisationernes Nordiske Råd, HNR.

Í almennum skrivi til Norðurlendska Ráðharraráðið staðfesta norðurlendsku feløgini, at:

"Rættindi hjá fólki, ið bera brek, verða skerd í kreppum og í brádliga íkomnum broytingum. Hetta vísa nýggjastu royndirnar við alheimsfarsótt, flóttafólkasteymi og alsamt hækkandi prísum. Hesar avbjóðingarnar eru felags fyri brekøkini í Norðurlondum, og tí verður við hesum felags skrivi mælt Norðurlendska ráðharraráðnum til at seta í verk eina fevnandi tilbúgving, ið verjir øll."

MEGD, sum er meginfelag hjá teimum, ið bera brek í Føroyum, hevur eisini sent hesa áminningina til norðurlendskar politikarar.

Tóra við Keldu, forkvinna í MEGD, var gestur hjá Halli av Rana í Breddanum fyrrapartin.

Sí videobrot úr sendingini her:

Allur Breddin kann koyrast her.