Setur meira pening í Frihedsbrevet

Niels Mortensen, vinnulívsmaður, hevur sett eina millión krónur aftrat í danska miðilin Frihedsbrevet, sum eisini hevur ein føroyskan pall, Frihedsbrevet.fo.

Tað skrivar Ekstrablaðið.

Blaðið skrivar, at fyribils roknskapurin hjá Frihedsbrevet, sum kom 30. september, vísti eitt hall upp á 18,3 milliónir krónur.

Neyðugt hevur verið at fáa nýggjar íleggjarar.

Frihedsbrevet.fo

Frhedsbrevet hevur eisini føroyskan pall. 

Nakrir nýggir íleggjarar hava sett fleiri milliónir í verkætlanina, og fleiri av verandi íleggjarum hava eisini sett meira pening í verkætlanina.

Teirra millum er Niels Mortensen. Hann hevur fyrr sett 1,5 milliónir krónur í Frihedsbrevet, og nú eina millión aftrat.

Ekstrablaðið skrivar, at 14 fólk tilsamans hava sett 40 milliónir krónur í Frihedsbrevet síðani apríl í 2021.