Nýggjur fyrstilærari í Hvalvíkar skúla

Landsstýrismaðurin í barna- og útbúgvingarmálum, Djóni Nolsøe Joensen, hevur sett Maluna Petersen í starv sum fyrstilærari í Hvalvíkar skúla frá 1 januar.

Malan Petersen er 43 ára gomul. Hon tók læraraprógv í 2018, og hevur harumframt tikið ymisk viðkomandi skeið.

Malan Petersen býr í Streymnesi, og hevur undirvíst í Kvívíkar skúla seinastu seks árini.

Umframt læraraútbúgving er Malan Petersen útbúgvin frisørur, og hevur havt egna fyritøku í átta ár, áðrenn hon tók læraraútbúgving.

Malan Petersen hevur eitt skifti og eftir tørvi eisini havt leiðsluna um hendi í Kvívíkar skúla, sigur Barna- og útbúgvingarmálaráðið.