Streymprísurin hækkar fimm oyru fyri allar kundar

SEV samtykti á eykaaðalfundi í dag at hækka elprísin fyri allar kundar fimm oyru kWt næsta ár.

Hækkingin kemur í gildi 1. januar.

Príshækkingin kemur í kjalarvørrinum á fráboðaða økta oljuavgjaldinum hjá landsstýrinum, sum fer at tyngja raksturin 30 milliónir kr., sigur SEV

Ein triðingur av øktu útreiðslunum verður funnin í rakstrinum, meðan restin verður fíggjað við at hækka elprísin næsta ár.

Ætlanin var ikki at hækka elprísin, men tí bleiv tað neyðugt, , sigur Kári Johansen, nevndarformaður í SEV. 

SEV-fundur, SEV

SEV hevði eykaaðalfund í dag.

Harmast

- Vit harmast um at fáa álagt eitt kostnaðarmikið umhvørvisgjald fyri at gera rúm fyri skattalætta. Tað hevði givið meining, um peningurin fór til grønar íløgur, sum kundu ført Føroyar enn longri fram móti einum burðardyggari samfelag, sigur Kári Johansen.

Hann sigur, at eykaavgjaldið á tungolju ávirkar møguleikarnar hjá SEV at gera íløgur. 

- Orkuskiftið krevur nógv av elframleiðsluni, og ikki minni av elnetinum. Stórar íløgur skulu gerast til tes at tryggja, at Føroya fólk fær tryggan og støðugan streym, hóast parturin av óstøðugum orkukeldum økist, sigur Kári Johansen.

Les frágreiðingina frá nevndini her.