Nýggjur leiðari í Gulu smiðju

Tóta Árnadóttir er nýggjur leiðari í Gulu smiðju í Runavík, upplýsir Runavíkar kommuna.

Hon tekur við eftir Guðmund Joensen, sum hevur verið leiðari, síðani Gula smiðja læt upp.

Tóta Árnadóttir er 53 ára gomul og búsitandi í Saltangará. 

Gula smiðja

Hon er útbúgvin sjúkrarøktarfrøðingur, og hevur eisini útbúgving í føroyskum máli, bókmentum og fólkalívsfrøði.

Tóta Árnadóttir hevur drúgvar royndir, m.a. við børnum og ungum, og hon hevur verið virkin í føroyska mentanarlívinum.

Hon byrjar í starvinum 1. januar 2024.