Fíggjarlógin: Vænta framvegis at Teistin verður seldur

Landsstýrismaðurin vísir aftur, at fíggjarlógin er pyntað, tí tað er ein realistiskur møguleiki fyri, at Teistin verður seldur

Teistin hevur royndarsiglt á kalsoyar- og nólsoyarleiðini, men á fíggjarlógini verður roknað við, at hann verður seldur.

Hallur av Rana

14.12.2023 - 13:33

Hóast endalig støða ikki er tikin til, um Teistin skal seljast, verður kortini roknað við inntøku av søluni í fíggjarlógaruppskotinum, sum í gjárkvøldið varð samtykt við 2. viðgerð.

Dennis Holm

Dennis Holm er landsstýrismaður í samferðslumálum. (Mynd. Bjarni Árting Rubeksen)

- Eg haldi ikki, tað er at pynta nakað, tí tað er framvegis ein realistiskur møguleiki fyri, at Teistin verður seldur, sigur Dennis Holm, landsstýrismaður í samferðslumálum.

Á fíggjarlógini verður roknað við, at 30 milliónir kr. fáast fyri Teistan.

Hoyr innslag í útvarpstíðindunum:

14122023_Dennis_Holm

Gevst á Sandoyarleiðini

Hósdagin í næstu siglir Teistin seinastu túrarnar í Skopunarfirði.

Hann siglir til kl.12.15, tá hann fer seinasta túrin av Gomlurætt. Túrarnir av Gomlurætt kl.11.00 og 12.45 eru sertúrar.

Á hesum túrum skulu øll ferðandi bíleggja pláss frammanundan, siga Strandfaraskip landsins.

Teistin tekur 260 ferðafólk.

Kl.14.00 byrjar hátíðarhaldið í sambandi við, at Sandoyartunnilin letur upp.