Frítekst tagging:
- Tíðindi, mentan og ítróttur
Radarin á Sornfelli ikki klárur fyrr enn í 2030
Radarin á Sornfelli ikki klárur fyrr enn í 2030
Danska verjan umhugsar nú, um onkur fyribilsloysn skal finnast í Føroyum, av tí at tað tekur somikið langa tíð at fáa radaran virknan, skrivar danska TV2
Nýggi radarin, sum skalt setast upp á Sornfelli, verður ikki klárur fyrr enn í 2030
Mynd: Savnsmynd
18.12.2023 - 09:53
Danska verjumálaráðið væntar at bjóða út lofteftirlitsradaran, sum skal standa á Sornfelli, einaferð í aðru hálvu av komandi ári.
Tað stendur í notati, sum er likið til TV2.
Hereftir fer tað at taka áleið fýra ár at byggja radaran.
Verjan væntar at hava radaran virknan í 2030.
Umhugsa eina fyribilsloysn
Radarin var partur av sonevnda arktiska kapasitetspakkanum, har danska stjórnin lovaði at brúka 1,5 mia krónur uppá at betra um yvirvøkuna í arktis og norðuratlantshavi.
Av hesum eru 390 mió settar av til radaran á Sornfelli.
Men av tí at tað tekur somikið langa tíð at fáa radaran virknan, umhugsar Danska verjan nú, um ein fyribilsloysn skal finnast, skrivar TV2.
Skal ein fyribils loysn eisini setast í verk, fer ætlanin tískil at kosta meira.
Er kopiera
Nýggjastu sendingar í ÚV
Nýggjastu sendingar í SV
