Havstovan: Vit eru í holt við at oyða toskastovnin á landgrunninum

Ongantíð áður hevur gýtingarstovnurin av toski á føroyska landgrunninum verið so lítil sum nú.

Tað staðfestir Havstovan í nýggjasta tilmælinum um fiskiskap eftir toski, hýsu og upsa í 2024, sum Havstovan læt úr hondum 12. desember. 

Petur Steingrund

Petur Steingrund, fiskifrøðingur, er deildarleiðari á Havstovuni.

Endurbyggingarætlan má setast í verk

Umsitingarætlanin, sum løgtingið hevur sett í verk, sigur annars, at vanliga verða fiskidagarnir bara broyttir við fimm prosentum hvørja ferð.

Men hetta er ikki nóg mikið hesa ferð.

Tí mælir Havstovan til at minka fiskidagarnar hjá línu-, snellu- og trolbátum við 20 prosentum, og at minka fiskidagarnar hjá partrolarum og lemmatrolarum við 10 prosentum.

Hetta er partur av einari serligari endurbyggingarætlan fyri toskastovnin.

Tilmælið frá Havstovuni kann lesast her

----

Skipabólkar og onnur skip
Ein partur av fiskiflotanum er býttur upp í hesar høvuðsbólkar:

• Bólkur 2: Trolarar yvir 500 hestakreftir
• Bólkur 3: Línuskip yvir 110 bruttotons
• Bólkur 4: Útróðrarbátar yvir 15 tons
• Bólkur 4 er býttur í 4 og 4T.
• Bólkur 5: Útróðrarbátar undir 15 tons á húkaveiðu

Umframt skip og bátar, sum eru í bólki 2-5, eru skip, sum fáast við aðra veiðu, eitt nú garnaskip, skip, sum fáast við skeljaveiðu og krabbaveiðu, ídnaðarskip og uppsjóvarskip.