Kirkjuráðið undrast á nýggja staðseting

Kirkjuráðið á Argjum undrast á, at uppskot um nýggja staðseting fyri Argja kirkju nú kemur undan kavi.

- Málið er langt síðani avgreitt. Vit bíða eftir endaliga byggiloyvinum, sum fyrisitingarliga varð avgreitt fyri sjey mánaðum síðani, sigur Rúni Hentze, kirkjuráðsformaður.

Rúni Hentze, kirkjuráðsformaður, vísir á, at Tórshavnar Kommuna eigur ikki privatu trøðna, sum nú verður víst til.

Kirkjan, sum kirjuráðið hevur fingið teknað til økið við Sandá, kann ikki bara flytast á aðra staðseting. Og so er tað kommunan sjálv, sum hevur víst kirkjuráðnum á júst økið við Sandá, sum kirkjuráðið síðani hevur keypt og gjørt allar fyrireikingar til nýggju kirkjuna út frá:

Kirkja á Argjum, nýggj kirkja á Argjum - Mynd: Koma.fo

Tað er á hesum økinum við Sandá, at ætlanin er at byggja nýggja kirkju á Argjum. Mynd: Koma.fo

Skal avgreiðast

Málið um Argja kirkju skal avgreiðast nú.

Tað lovar Heðin Mortensen borgarstjóri, sum arbeiðir við trimum møguleikum.

- Men málið er blivið politiskt, og tí skal býráðið taka endaliga støðu til tað, sigur Heðin Mortensen:

Kirkja á Argjum og nýggj staðseting

Nýggja kirkjan á Argjum, sæð úr nýggju staðsetingini.