Annað hvørt kamar brúkt

Færri fólkanætur vóru í føroysku gistingarhúsunum í fjør enn í 2022, men nýtslustigið var nærum óbroytt.

Fólkanæturnar vóru fýra prosent færri enn í 2022, men tað var eisini metár, skrivar Hagstovan.

Minkingin er størst uttan fyri Tórshavnarøkið.

Gott helvtin av kømrunum í gistingarhúsunum vóru brúkt í fjør. 

Tað er á leið tað sama sum árið fyri.

Fólkanætur telja, hvussu nógv og hvussu leingi fólk gista. 

Um 10 fólk gista tríggjar nætur eru hetta 30 fólkanætur.

Fólkanótt

Fólkanæturnar vóru góðar 222.000 í 2023, stívliga 9.000 færri enn í 2022. 

Men innskrivingarnar vóru stívliga 92.000, sløk 200 fleiri enn í 2022. 

Tað merkir, at fólk gistu færri nætur í fjør enn í 2022.

Ferðafólk úr øðrum londum enn Føroyum og Danmark settu met í fjør.

Fólkanæturnar hjá føroyingum vóru góðar 58.000 í fjør, 18 prosent fleiri enn í 2022.