450 fólk løgdust aftrat í fjør

Fólkatalið í Føroyum vaks 0,8 prosent í fjør.

1.januar búðu 54.545 fólk í Føroyum, 450 fleiri enn 1.januar 2023.

Tey flestu, sum leggjast aftrat fólkatalinum í Føroyum, eru ikki danskir ríkisborgarar. Og færri flyta til Føroya nú.

Frá 2017 til 2022 var nettoflytingin millum 400 og 500 fólk um árið. Í fjør var hon 288 fólk. 

Fólkatalið vaks í 18 av teimum 29 kommununum í fjør.

Størsti vøksturin var í Tórshavnar kommunu, Klaksvíkar kommunu, Runavíkar kommunu og í Eysturkommunu.