Eftirmeta útbúgving í føroyskum sum annaðmál

- Ein eftirmeting skal vísa, um hetta er rætti hátturin at skipa slíka útbúgving.

Tað sigur Djóni Nolsøe Joensen, landsstýrismaður í útbúgvingarmálum, nú ein flokkur í farnu viku fekk prógv á Setrinum at undirvísa í føroyskum sum annaðmál.

Samstundis sum tey fingu prógv, varð staðfest, at Fróðskaparsetrið hevði ikki játtan til ein flokk aftrat. 

Eftirmeting má gerast saman við Setrinum og øðrum viðkomandi pørtum, sigur landsstýrismaðurin:

Føroyskt sum annaðmál, lærarar og føroyskt sum annaðmál

(Mynd: Fróðskaparsetur Føroya)

Í farnu viku fingu 20 lærarar, sum undirvísa útlendingum í føroyskum, prógv. Teir hava staðið diplomútbúgving í føroyskum sum annaðmál á master- og bachelorstigi á Føroyamálsdeildini.