119 milliónir í avlopi eftir skatt

Vinnufelagið Tjaldur hevði í fjør 119 mió. krónur í vinningi eftir skatt.

Úrslitið fyri skatt var 134 mió.

Tjaldur hevur virksemi í fleiri vinnum, bæði í Føroyum og uttanlands. Størsta virksemi uttan fyri Føroyar er í Noregi og Bretlandi.

Tjaldur sigur í tíðindaskrivi, at samlaða sølan í samtakinum var oman fyri 1,8 milliardir krónur.

Framherji keypti í fjør partabrøvini hjá landinum í Tjaldri. Landið átti 2,8 prosent.