Løgtingið fer at tosa um public service

27. februar fer løgtingið at hava aðalorðaskifti um public service-sáttmálan millum Kringvarpið og Almanna- og Mentamálaráðið.

Sirið Stenberg, landsstýriskvinna, leggur uppskotið fram hósdagin í næstu viku.

Sáttmálin verður galdandi frá 1. apríl í ár til 31. mars 2028.

Eingin undirskrivaður public service-sáttmáli hevur verið seinastu árini.

Seinasti sáttmálin var frá 2017 til 2020.

Hósdagin í næstu viku verður eisini fyrsta viðgerð um uppskotið hjá landsstýrinum um at hækka og prístalsjavna kringvarpsgjaldið og um minni gjald hjá lítlum virkjum og stovnum.