41 umsóknir um stuðul

Av teimum 41 vóru 15 umsóknir til ph.d.-verkætlanir, og tað vísir seg, at kvinnurnar eru ídnari at granska, tí 25 verkætlanarleiðarar eru kvinnur og 16 menn.

Tilsamans verður søkt um góðar 38,6 milliónir krónur.

Løgtingið hevur í ár játtað níggju milliónir krónur til stuðul til gransking í ár, og tað er hálvonnur millión meira enn undanfarin ár.

Fíggingin til arbeiðsmarknaðargransking stavar frá fænum í Frítíðargrunninum, og í mesta lagi hálvtriðja millión krónur er tøk til stuðul í ár.

Nú verða allar umsóknirnar kannaðar og mettar, áðrenn endalig støða verður tikin til teirra, og umsøkjararnir fáa sær svar í seinasta lagi tann 1. juni.