- Tíðindi, mentan og ítróttur
Palestina um at fara á húsagang
<div>Palestinski staturin er í vanda fyri at fara á húsagang, um gevaralondini ikki játta fleiri pengar.</div><div><br></div><div>Tað kom fram á einum fundi í New York, sum nýggi norski uttanríkisráðharrin, Espen Barth Eide, var vertur fyri. 27 lond lata palestinum fíggjarligan stuðul.</div><div><br></div><div><b>2,2 mia. vanta í</b></div><div><br></div><div>Á fundinum upplýsti palestinski fíggjarmálaráðharrin, Nabil Kassis, at vandi er fyri, at 2,2 milliardir kr. fara at resta í, til tess at fáa fíggjarætlanina fyri Palestina at standa upp og niður næsta ár. Tað kann í ringasta føri hava við sær, at landið fer av knóranum. </div><div><br></div><div>Tað stendur alt annað enn væl til í palestnsku sjálvstýrisøkjunum. Áhugin fyri tí, sum hendir har, er ikki stórur. Tað er heldur kjarnorkuætlanin hjá Iran, og kreppan millum Iran og Ísrael, sum er á breddanum.</div><div><br></div><div><b>Samráðingar slitnaðar</b></div><div><br></div><div>Samráðingarnar ímillum palestinar og Ísrael eru slitnaðar, og Ísrael heldur fram við búsetingarætlanum sínum í palestinsku økjunum.</div><div><br></div><div>Síðani í 2007 hava palestinar fingið 5,7 milliardir dollarar í stuðuli, bert fyri at fáa fíggjarætlanina at hanga saman, og áhugin hjá gevaralondunum er minkaður, serliga eftir at stígur er komin í samráðingarnar um palestinska statin.</div><div><br></div>
