Flestu málini eru um arv og hjúnaskilnað

Arvur og hjúnaskilnaður standa ovast í hagtølunum hjá Rættarhjálpini fyri 2023.

16,86 prosent av fyrispurningunum í fjør vóru um arv og skifti og 7,13 prosent um sundurlesing og hjúnaskilnað.

Rættarhjálpin hevur til endamáls at bjóða fría løgfrøðiliga hjálp og ráðgeving til einstaklingar.

Fleiri kvinnur

Fleiri kvinnur enn menn venda sær til Rættarhjálpina. Í fjør komu góð 54 prosent av fyrispurningunum frá kvinnum.

Rættarhjálpin fekk 842 fyrispurningar í fjør, 21 fleiri enn í 2022.

Nógv tey flestu, sum brúka Rættarhjálpina, eru millum 30 og 65 ár. Og nógv tey flestu búgva í Suðurstreymi ella í Nólsoy.

Rættarhjálpin, sum byrjaði í 1996, hevði slakar 18.500 kr. í halli í fjør.

Danska løgmálaráðið læt 460.000 kr. í stuðli í fjør. Úr landskassanum komu 50.000 kr.