Berghol til Tjørnuvíkar: Fegnast um at sleppa undan líðini

Í kvøld verður skipað fyri kunnandi fundi um ætlanina at gera berghol til Tjørnuvíkar.

Jens Jensen býr í Tjørnuvík, og áðrenn tekningarnar frá Landsverki komu, var hann ivasamur um, at bergholið kemur út so innarlaga í víkini og líðini.

Hann helt, at vandi er fyri, at bergholið fer at gera stórt inntriv í tað lítla av bøi, sum er í bygdini, og at tað kemur ov nær víkingargravunum.

Jens Jensen

Jens Jensen.

Nú hann hevur sæð myndir, hvar ætlanin er at gera bergholið, heldur Jens Jensen, at tað sær ikki so ræðandi út.

Tjørnuvíkingar fegnast um at sleppa undan at koyra í líðini, tí hon kann hvørki bjóðast bygdarfólki ella avbygdafólki, sigur hann.

Hoyr innslag í útvarpstíðindunum:

Borgarafundurin verður í kvøld kl. 18:00 í bygdarhúsinum í Tjørnuvík.

Umboð fyri Landsverk kunna um verkætlanina.

Dennis Holm, landsstýrismaður í fiskivinnu- og samferðslumálum, og Jógvan Kruse, borgarstjóri í Sunda kommunu, vera eisini við á fundinum.