Fýra bilførarar tiknir

Løgreglan hevur seinasta samdøgrið gjørt fleiri ferðsluátøk um alt landið við serliga denti á ferðmátingar.

Sum heild hava bilførarar skikka sær væl. 

Í seks átøkum í gjár var einans ein bilførari steðgaður fyri at koyra ov skjótt. Viðkomandi koyrdi 73 km/t í bygdum øki og fær tískil bót. 

Trý tikin í Klaksvík
Í nátt var løgreglan aftur úti og gjørdi ferðmátingar í Klaksvík. 

Har blivu tríggir bilførarir tiknir fyri at koyra ov skjótt í bygdum øki.

Tveir sluppu við bót, meðan ein fekk treytaða frádøming av koyrikortinum.