Arbeiðsloysið eitt vet størri

Arbeiðsloysið var 1,1 prosent í februar. Tað er 0,3 prosentstig størri enn februar í fjør, tá tað var 0,8 prosent.

Tað skrivar Hagstovan. 

At arbeiðsloysið var 1,1 prosent í februar, svarar til 336 fulltíðararbeiðsleys. Sama mánað í fjør var arbeiðsloysið 0,8 prosent við 255 fulltíðararbeiðsleysum.

Í februar vóru 409 fólk arbeiðsleys. Tað eru 117 fleiri enn í februar í fjør.

Í februar vóru 196 fulltíðararbeiðsleysir menn og 140 fulltíðararbeiðsleysar kvinnur.

Í februar var arbeiðsloysið lutfalsliga minst í Norðoyggjum, 0,5 prosent.

Í Suðuroynni var arbeiðsloysið 2,4 prosent, sum er 0,9 prosentstig størri enn sama mánað í fjør.