Eru pengar í innvølum?

Nú skal alt av fiski takast í land.

Dennis Holm, landsstýrismaður í fiskivinnumálum, sær stórar møguleikar og nógvar pengar í tí at taka livrar, garnar, høvd, rogn, innvølir, skræðu og avskurð av fiski í land.

Landsstýrismaðurin hevur sent kunngerð til hoyringar, um at longu frá 1. juni í ár skal 20 prosent av tí, sum annars verður blaðkað út í havið av skipi, takast í land í Føroyum, og um seks ár, skal alt av fiski takast í land.

Jan Højgaard, formaður í Fiskimannafelagnum, og Hálvdan Gudmundsen, formaður í felagnum línuskipum halda, at hetta kann oyðileggja vinnuna.

Dennis Holm væntar, at við tíðini fara føroyskir fiskimenn og reiðarar eisini at fáa pening fyri hesa vøruna

Men teir, sum til dagligt eru í vinnuni, halda tað ikki vera so ljósareytt, sum tað ljóðar at vera hjá landsstýrismanninum.