Eingin Maria ímóti Svøríki og Íslandi

Maria Pálsdóttir Nólsoy hevur brotið fingurin, og tí verður hon ikki við til EM-undankappingardystirnar, sum Føroyar skal spæla ímóti Svøríki og Íslandi næstu dagarnar.

Hetta hendi undir venjing 2. páskadag.

Skaðin fer helst at halda hana uttanfyri í eini fýra vikur, og tí er vandi fyri, at bakspælarin úr Neistanum eisini missir endaspælið í heimligu kappingini.

Natasja Hammer úr StÍF verður við staðin.

Kemur illa við hjá Føroyum

Skaðin hjá kvika álopsspælaranum kemur illa við hjá Føroyum, viðgekk landsliðsvenjarin, Claus Mogensen, til venjingina fyrrapartin í dag. 

Maria Pálsdóttir Nólsoy spælir vanliga ein lutfalsliga stóran leiklut í føroysku bakketuni saman við Súnu Krossteig Hansen og Janu Mittún. 

 - Hon er sterk, tá hon bjóðar móstøðuleikarunum av, og dugir væl at meta um, hvussu spælast skal í hvørjum einstøkum føri, segði landsliðsvenjarin.

Hondbóltssambandið skrivar seinnapartin, Maria Pálsdóttir Nólsoy skal undir skurð hósdagin.