Vilja hava stig móti Svøríki

Tað verður helst fullsett ítróttahøll á Hálsi í Havn í kvøld, tá ið føroyska kvinnulandsliðið í hondbólti skal spæla EM-undankappingardyst móti Svøríki.

Dysturin verður mettur at vera torførari enn dysturin móti Luksemburg fyri einum mánaði síðani, sum føroysku kvinnurnar vunnu uttan trupulleikar.

Men føroysku kvinnurnar vilja hava stig í kvøld, sigur Bjarta Johansen, leikari á landsliðnum.

Hoyr innslag í útvarpstíðindunum:

Landsdysturin verður sendur í sjónvarpinum. Sendingin byrjar klokkan 18.30.