Funnu hassj í varðhaldinum í Mjørkadali

Funnu hassj í varðhaldinum í Mjørkadali
Hassjið var funnið hjá tí eina manninum, sum nú er ákærdur fyri at smugla 50,5 kilo av hassji til Føroya
Varðhaldið í Mjørkadali. (Savnsmynd)
 
09.04.2024 - 10:34

Hóast fólk eru í varðhaldinum í Mjørkadali, tí tey eru skuldsett fyri at smugla hassj, nýtist teimum ikki at vera hassj fyri uttan í varðhaldinum.

Stutt fyri jól í fjør vóru 14,8 gramm av hassji funnin hjá tí eina manninum, sum nú er ákærdur fyri at smugla 50,5 kilo av hassji til Føroya.

Sambært ákæruritinum var hassjið, sum var funnið í Mjørkdali, til egið brúk.

 

Hassj og pengar

Í hassjmálinum, sum byrjar í Føroya rætti í dag, krevur ákæruvaldið, at hald verður lagt á góð 28,5 kilo av hassji, 2.720 evrur, sum eru 20.264 krónur, 39.000 krónur og so millum tríggjar og góðar 6,4 mió. kr. fyri tey 22 kiloini, sum politiið sigur eru seld.

Haraftrat eru tveir BMW-bilar og tríggjar iPhones.

Ákæruvaldið krevur eisini, at útlendingurin, sum er ákærdur, verður vístur úr Føroyum fyri alla tíð.

Sambært ákæruritinum kom hann til Føroya eftir pengunum, sum hinir báðir ákærdu, sambært ákæruritinum, fingu fyri hassjið, sum teir seldu í Føroyum.  

Er kopiera
Nýggjastu sendingar í ÚV
Týsdag 18. mars
Morgunlestur týsdagur 18.mars 202
189184
Mánadag 17. mars
Stuttligar søgur úr gomlu Havnini
189339
Mánadag 17. mars
NSÍ er tjekkað inn
189329
Mánadag 17. mars
Morgunlestur mánadagur 17.mars 2025
189183
Nýggjastu sendingar í SV
Týsdag 18. mars
Veðrið
189386
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238