Býráðið í Amsterdam vil avmarka ferðavinnuna

Býráðið í hollendska høvuðsstaðnum Amsterdam hevur avgjørt, at fleiri gistingarhús skulu ikki byggjast í býnum. Tað skrivar hollendski miðilin Het Parool.

Ásetingin hevur verið galdandi fyri fleiri býarpartar í býnum, men verður nú galdandi fyri allan býin.

Hetta verður gjørt fyri at avmarka hópferðavinnu í býnum, har fleiri milliónir ferðafólk vitja á hvørjum ári, skrivar Het Parool.

Nýggj gistingarhús kunnu nú bara byggjast, um onnur stongja.

Harumframt skal seingjartalið ikki hækka, og nýggj gistingarhús skulu vera betri og t.d. burðardyggari.