Grøn gleði í Hoyvíkshøllini

Øll í grønum stórgleddust, tá Kyndil tryggjaði sær sítt fyrsta føroyameistaraheiti síðan 2019.

Kyndil vann triðju finaluna á StÍF - ikki á Nabb, men í Hoyvíkshøllini - og so kundu tær grønu taka ímóti steypinum og gullheiðursmerkjunum.

 - Tað er fullgjørt, staðfesti Turið Arge Samuelsen, sum varð suverenur toppskjútti í SMS-deildini. 

 - Vit settu okkum fyri at vinna alt, sum vinnast kundi. Stórsteypadyst, grundspæl, steypafinalu og nú FM, segði stórskjúttin, sum hevur skorað næstan 700 mál síðstu árini.