Útflutningurin minkaði hálva milliard

Føroyar útfluttu fyri 12,5 milliardir krónur frá apríl í fjør til mars í ár, skrivar Hagstovan.

Tað er góð hálv milliard, 552 milliónir, minni enn frá apríl 2022 til mars 2023.

Fiskavøruútflutningurin minkaði 167 milliónir krónur.

Serliga er minni makrelur útfluttur. Hagstovan upplýsir ikki longur í samandráttinum um útflutingn, hvussu stórur útflutningurin til Russlands er.

Innflutningurin minkaði eisini

Innflutt var fyri 11,2 milliardir krónur frá apríl í fjør til mars í ár.

Tað eru 1,2 millardir krónur minni enn undanfarna skeið.

Innflutningurin av brennievni og øðrum oljum er minkaður 579 milliónir krónur.