Borgarstjórin: Royna at fáa læknar at støðast

Tá fólk í Fuglafirði hava tørv á at fara til kommunulækna, vita tey ongantíð, hvør lækni tekur ímóti teimum.

Netavísin skrivar, at síðani í juli hava sjey ymiskir kommunulæknar verið í Fuglafirði. Og tá komið er út í desember, hava 10 ymiskir kommunulæknar verið í Fuglafirði í fimm mánaðir.

Støðan er ikki nøktandi, sigur borgarstjórin í Fuglafirði, Sonni á Horni.