Á Breddanum: "Elians Sonur" - fyri og ímóti

Í hesum døgum sendir Kringvarpið sendirøðina "Elians Sonur" - ein poddur í fimm pørtum, har Ragnar Elianson úr Sørvági hugleiðir um mangt og hvat, m.a. grønu kósina, koronu, politikarar, persónligt frælsi, kríggj og miðlar.

Røðin hevur fingið fleiri at gera vart við seg.

Summi fegnast um, at Kringvarpið endiliga sigur sannleikan um til dømis el-bilar.

Onnur finnast at Kringvarpinum fyri at senda røðina. 

Hvat kann ein public service-miðil senda? Er tað so, at summir sannleikar ikki hava rúmd í almenna Kringvarpinum, og eru vanligar journalistiskar reglur galdandi, tá talan er um poddvarp?

Tað viðgera vit í Breddanum í dag.

Øssur Winthereig og Finnur Koba, journalistar, skifta orð um sendirøðina í útvarpsstovuni, og samrøða er við Kim Simonsen, rithøvund og ph.d. 

Breddin í útvarpinum klokkan 10.

Sendingin verður stroymd her