Semingsroyndin verður í morgin í staðin

Tí semingsroyndin, sum skuldi vera fríggjamorgunin, verður nú í morgin ístaðin

- Vit hava umhugsað støðuna av nýggjum, og hava avrátt at byrja seinnapartin í morgin, sigur Terje Sigurðsson, semingsmaður.

Umboð fyri partarnar í verkfalli vóru á fundi hjá semingsstovninum í morgun og eftir tann fundin varð avgjørt, at semingsroyndin skuldi takast upp aftur fríggjadagin.

- Vit halda, at hetta skal gerast so skjótt, sum til ber, og nú vísir tað seg, at tað ber til í  morgin, sigur Terje Sigurðsson, í stuttari viðmerking.

Fundurin byrjar í morgin klokkan trý seinnapartin.

Terje Sigurðsson roknar við, at tey fara at samráðast alt vikuskiftið.