Eingin mannagongd at handfara battarí í elbilum

Ivi er um, hvør skal rinda fyri at taka battarí úr bilum og senda tey til endurnýtslu. Tørvur er á kunngerð á økinum, siga tey á Kommunalu Brennistøðini í Havn

Battarí til elbiI. Ivi er um, hvør skal rinda fyri arbeiðið, tá battaríið skal takast úr elbilum.

Mynd: Mynd: Bilasølan

Marjun Dalsgaard

11.06.2024 - 13:21

Eingin mannagongd er, hvussu battarí í elbilum skulu handfarast.

Allir elbilar verða tiknir inn á Kommunalu Brennistøðina í Havn, men hvør skal rinda fyri at taka battaríini úr bilinum og senda tey til endurnýtslu, er ikki greitt.

- Tørvur er á einari kunngerð á økinum, segði Beinta Højgaard Thomsen, umhvørvisfólk a Kommunalu Brennistøðini, í Breddanum fyrrapartin:

10062024_Beinta_1

Beinta Højgaard Thomsen

Beinta Højgaard Thomsen.

Ivi er um, hvør skal rinda fyri arbeiðið, tá battaríið skal takast úr elbilum:

11062024_Beinta_2

Maria Gunnleivsdóttir Hansen

Maria Gunnleivsdóttir Hansen á deildini VERND á Umhvørvisstovuni sigur, at ein verkætlan er júst liðug, sum lýsir økið.

Tey koma við tilmæli til politiska myndugleikan skjótt, sum helst fer at áseta, at tað er innflytarin av elbilinum, sum hevur ábyrgdina av at taka battaríið úr bilinum, og senda tað til endurvinningar.

Ingilín D. Strøm, landsstýriskvinna í umhvørvismálum, sigur, at tey arbeiða við eini kunngerð, sum skipar økið.

Allur Breddin kann hoyrast her.