Hákun fær nýggjan kappingarneyta á veinginum

Føroyski landsliðsvongurin, Hákun West av Teigum, hevur fingið nýggjan kappingarneyta á høgra vongi í Füchse Berlin.

Høvuðsstaðarfelagið hevur gjørt eitt ára sáttmála við ​​Tobias Reichmann, sum avloysir legendariska danan Hans Lindberg, sum júst er givin í týskum hondbólti.

Samstundis sleit svenski vongurin Valter Chrintz krossbandið fyri aðru ferð, og tí verða tað Hákun West av Teigum og ​​Tobias Reichmann, ið er úr Berlin, sum manna høgra vong hjá revunum næsta kappingarár.

36 ára gamli Reichmann kemur úr Rhein-Neckar Löwen og hevur havt eina glæsiliga yrkisleið. Hann hevur millum annað vunnið týska meistaraheitið og Champions League fyri THW Kiel, og í 2016 var hann við til at vinna EM fyri Týskland.

Hákun West av Teigum, Føroyar-Norðurmakedonia, hondbóltur, HSF