Ósemjan rakar bæði starvsfólk og búfólk

- Støðan, sum er íkomin, er óneyðug. 

Tað sigur Lena Askham, starvsfólk á Skálagarði í Klaksvík, nú ósemja millum leiðsluna á stovninum og Almannaverkið ávirkar bæði starvsfólk og búfólk.

Lena Askham - mynd av Faceboook-vanga

Lena Askham er starvsfólk á Skálagarði. (Mynd av Facebook-vanga)

- Búfólkunum leingist eftir leiðaranum, og tey spyrja eftir henni hvønn dag. Góði gerandisdagurin, sum var, er nú merktur av stúran og gráti, sigur hon. 

Hoyr innslag í útvarpstíðindunum: 

12. juni segði trivnaðarstjórin í Almannaverkinum, Hjørdis S. Mortensen, við útvarpið, at Almannaverkið ongum hevur sagt úr starvi - hvørki starvsfólki ella leiðaranum.

Skálagarður, sum er ein bú-, umlættingar- og endurmenningardepil til fólk við seinheilaskaða, læt upp fyri hálvum øðrum ári síðani.

Elsebeth Mercedis Gunnleygsdóttur, løgtingskvinna, hevur sett landsstýriskvinnuni í almannamálum grein 52 fyrispuring um starvsfólka-og leiðsluviðurskiftini á Skálagarði.