Jógvan Ósá nýggjur stjóri í Bústøðum

Jógvan Ósá er settur í starvið sum stjóri í Bústøðum.

Hann er 38 ára gamal, og er útbúgvin cand. tech., byggifrøðingur og húsasmiður.  

Jógvan Ósá er tekniskur stjóri hjá Klaksvíkar kommunu.

Hann byrjar í starvinum hjá Bústøðum í seinasta lagi 1. oktober.

14 umsóknir vóru til starvið.

Styrið koyrdi Andras Róin, sum bleiv stjóri í 2011, til hús 13. februar.

Síðani hevur Hjørdis Gaard Lailudóttir verið virkandi stjóri í Bústøðum.