Tænastugjøld leggjast á tóm hús

Í heyst verður lógaruppskot lagt fyri Løgtingið, sum skal geva kommununum heimild at taka eitt gjald fyri tænastuveitingar til summarhús og hús, sum standa tóm.

Tað sigur Bjarni Kárason Petersen, landsstýrismaður í lógarmálum.

Hann væntar, at uppskotið kemur í Løgtingið í heyst og at tað fer at fáa góða undirtøku frá tingfólki. Roknast kann við, at nýggja lógin - um hon verður samtykt - kemur í gildi 1. januar ella stutt eftir ársskiftið.

Sambært Dimmalætting vísti ein uppgerð hjá Kommunufelagnum í 2018, at 14,4 prosent av øllum húsum í landinum stóðu tóm - altso, at eingin búði fast í teimum. Tórshavnar kommuna og Klaksvíkar kommuna vóru ikki við í tí yvirlitinum. Eitt yvirlit hjá Tórshavnar kommunu fyri tveimum árum síðan vísti, at meir enn 700 bústaðir í kommununi stóðu tómir.

Hoyr samrøðuna við Bjarna Kárason Petersen, landsstýrismann, her: