Jógvan Jespersen gevst sum stjóri í Nótaskipum

Jógvan Jespersen gevst sum stjóri í Nótaskipum
Felagið Nótaskip søkir nú eftir nýggjum stjóra
Jógvan Jespersen hevur verið stjóri í felagnum Nótaskip seinastu 16 árini.
 
01.07.2024 - 17:00

Felagið Nótaskip skal hava nýggjan stjóra, nú stjórin seinastu 16 árini, Jógvan Jespersen, gevst í starvinum.

Stjórin hevur dagligu leiðsluna av felagnum, og stendur saman við nevndini á odda fyri menningini av felagnum Nótaskip. 

Uppgávurnar fevna, sambært starvslýsingini, millum annað um málsviðgerð og ráðgeving, umframt aðrar uppgávur.

Stjórin hevur ábyrgd av leiðslu og fíggjarstýring, eins og hon ella hann tekur lut í sáttmálasamráðingum.

Stjórin í Nótaskipum luttekur, tá fiskivinnusamráðingar eru og samskiftir við myndugleikar og samstarvsfelagar hjá felagnum í øðrum londum

Viðkomandi, ið søkir, skal hava viðkomandi útbúgving og viðkomandi leiðsluroyndir.

Persónligu eginleikarnir hjá stjóranum eru millum annað at vera fleksibul og duga at tillaga seg eftir umstøðunum, at hava góð samskiftisevni.

Umsóknarfreistin er 19. august, og miðað verður eftir at seta starvið frá 1. oktober. 

Er kopiera
Nýggjastu sendingar í ÚV
Mikudag 20. august
Morgunlestur mikudagur 20. august 2025
195627
Týsdag 19. august
Morgunlestur týsdagur 19. august 2025
195626
Mánadag 18. august
Poppverturin
194202
Mánadag 18. august
Alt við tað sama, í botninum
195696
Nýggjastu sendingar í SV
Týsdag 19. august
Veðrið
195771
Týsdag 19. august
Dagur og vika við 3-2 - teknmálstulkað
195740
Mánadag 18. august
3-2 (18. august 2025)
195726
Mánadag 18. august
Veðrið
195712
Fríggjadag 15. august
$elfie
195650