Tríggjar kommunulæknaviðtalur fingið boð frá landslæknanum

Tríggjar kommunulæknaviðtalur fingið boð frá landslæknanum
Boð frá landslæknanum er eitt løgfrøðiligt revsitiltak, sum áleggur viðgerðarstaðnum at lúka ávís krøv til sjúklingatrygdina
 
10.07.2024 - 08:06

Tríggjar kommunulæknaviðtalur hava fingið at vita frá landslæknanum, at feilir og manglar hjá teimum elva til stórar trupulleikar fyri sjúklingatrygdina, ella "udgør større problemer af betydning for patientsikkerheden", sum tað stendur í boðunum, sum eru á donskum.

Viðtalurnar hjá Birna Hansen og Hanusi á Lógv og Læknamiðstøðin á Tvøroyri hava fingið boðini frá landslæknanum.

 

Fráboðað eftirlit

Tey koma eftir fráboðað eftirlit í apríl. Tey vóru gjørd sambært tilvildarligum stakroyndum.

Birni Hansen hevur fingið boð um at tryggja forsvarliga medisinska viðgerð, viðgerð við heilivági, sum skapar bundinskap, og handfaring av parakliniskum kanningum.

Parakliniskar kanningar umfata millum annað vevnað, blóð ella land.

Hanus á Lógv hevur fingið boð um at tryggja forsvarliga medisinska viðgerð, viðgerð við heilivági, sum skapar bundinskap, og siggja til, at viðtalan hevur greiðar reglur um arbeiðið hjá sjúkrarøktarfrøðinginum. 

Læknamiðstøðin á Tvøroyri hevur fingið boð um tryggja forsvarliga viðgerð av sjúklingum, sum hava kroniskar sjúkur, viðgerð við heilivági, sum skapar bundinskap, handfaring av parakliniskum kanningum og at síggja til, at greiðar reglur eru um arbeiðið hjá starvsfólki í viðtaluni.

 

Sjúklingarnir skuldu sjálvir spyrja

Viðtalan hevði ikki mannagongdir, sum tryggjaðu, at fólk fingu svar uppá allar fyriskipaðar kanningar.

Sjúklingarnir skuldu sjálvir spyrja um svarið.

Boð frá landslæknanum er eitt løgfrøðiligt revsitiltak, sum áleggur viðgerðarstaðnum at lúka ávís krøv til sjúklingatrygdina.

Boðini liggja á heimasíðuni hjá landslæknanum, og verða strikað, tá tað kann prógvast, at tey settu krøvini eru lokin.

Er kopiera
Nýggjastu sendingar í ÚV
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565