Starvsfólk innan dagstovnaøkið í Havn fáa løn, meðan tey taka útbúgving

Í fleiri ár hevur tað verið ov lítið av útbúgvnum starvsfólki innnan dagstovnaøkið.

Í februar í ár byrjaði fyrsta holdið av næmingum, sum arbeiða innan dagstovnaøkið í Tórshavnar kommunu, at taka ein meritútúgving, ið gevur møguleika at gerast professións-bachelor.

Útbúgvingin verður í stóran mun tikin á netinum, men næmingarnir fara eisini í styttri tíðarskeið til Viborg í Danmark í skúla.

Bjóða øðrum kommunu at vera við

Næmingarnir fáa løn, meðan teir arbeiða, og ferð og uppihald til Danmarkar verður eisini goldið. Næmingarnir fáa tó ikki løn, meðan teir eru í skúla í Danmark.

Tórshavnar kommuna fer aftur í vetur at bjóða fólki í dagstovnaøkinum løn, samstundis sum tey taka útbúgving innan dagstovnaøkið, sigur Annfinn Brekkstein, formaður í mentanarnevndini í Tórrshavnar kommunu.

Sum nakað nýtt hevur Tórshavnar kommuna hesaferð bjóðað øðrum kommunum í landinum at vera við í verkætlanini.