Rúsevni líka vanlig sum rúsdrekka í bilum

Nú vera á leið líka nógv tikin fyri at koyra ávirkað av rúsevnum sum av rúsdrekka.

Klokkan trý seinnapartin í gjár var ein bilførari tikin fyri at koyra rúsevnisávirkaður, og klokkan trý í nátt hendi tað sama.

Hetta var í báðum førum í Norðurøkinum.

Á ólavsøku og eftir ólavsøku eru seks biliførarar tiknir fyri at koyra ávirkaðir.

Tveir høvdu drukkið, og fýra høvdu brúkt rúsevni, sambært politinum.

Lógarbroyting á veg

Landsstýrið tekur hesa gongdina til eftirtektar.

Uppskot um at broyta ferðslulógina kemur í heyst.

Rúsevnakoyring er ein vaksandi trupulleiki.

Tí er neyðugt at endurskoða ásetingarnar um rúsevnakoyring í ferðslulógini, sigur landsstýrið.