Kamala Harris fær onga mótstøðu

Eingin annar í Demokratiska flokkinum hevur bjóðað Kamalu Harris av, og hon er tann einasta, sum er skikkað til at gerast valevni, sigur flokkurin sambært NTB.

Eftir hjá flokkinum er nú bara formliga at velja Kamalu Harris. Hon verður útnevnd forsetavalevni eftir talgilda atkvøðugreiðslu, sum byrjar í morgin og endar mánadagin.

Ein nýggj meiningakanning hjá Bloomberg vísir, at Kamala Harris nú er frammanfyri Donald Trump í fleiri av sveiggjstatunum. Samanlagt fær hon 48 prosent undirtøku í sveiggjstatunum, og Donald Trump fær 47 prosent. Óvissan í kanningini er eitt prosent.

Harris er frammanfyri við 11 prosentstigum í Michigan og tveimum prosentstigum í Nevada, Arizona og Wisconsin. Trump er frammanfyri við fýra prosentstigum í Pennsylvania og tveimum prosentstigum í North Carolina.

Í Georgia stendur púra á jøvnum millum tey bæði.

Líkt er til, at tað verða sveiggjstatirnir, sum fara at avgera forsetavalið 5. november.