Kvinna varðhaldsfongslað fyri at smugla kokain og hassj við Norrønu

Ein kvinna var í gjár í Føroya rætti varðhaldsfongslað í fýra vikur.

Hon var tikin fyri at hava 90 gramm av kokaini og hálvtannað kilo av hassji í bilinum, tá hon kom við Norrønu úr Danmark sunnukvøldið.

Kvinnan noktar seg seka.

Varðhaldsfonglsaður fyri harðskap

Ein maður var eisini varðhaldsfongslaður í gjár.

Hann fekk 14 dagar fyri harðskap í Havn um vikuskiftið.

Eisini hann noktar seg sekan.