Fram í tveimum aftur í fimm

Fólkatalið í Suðuroynni er minkað eitt prosent seinasta árið.

Tað skrivar Tvøroyar kommuna á heimasíðuni, har nýggjastu tølini hjá Landsfólkayvirlitinum eru.

6. august vóru 4.617 fólk í Suðuroynni, 46 færri enn 6. august í fjør.

Men í Tvøroyar kommunu er fólkatalið tó vaksið, eisini eitt prosent.

Tað var 1.760 6. august, 17 fleiri enn 6. august í fjør.

Minkaði í fimm

Í Sumbiar kommunu eru eisini fleiri fólk nú, men tó bara eitt fólk.

Í hinum fimm kommununum í Suðuroynnni er fólkatalið minkað seinasta árið. 

Í prosentum mest í Fámjin, 7,5 prosent.

Men í fólkatali er minkingin størst í Vágs kommunu.

Har búðu 34 færri fólk 6. august enn 6. august í fjør, skrivar Tvøroyrar kommuna.

Í Vágs kommunu eru nú 1.346 fólk.