Stovnspláss tøk á Miðstovninum

1. september vera stovnspláss tøk í Miðstovninum í Havn.

Talan er fyrst og fremst um pláss í vøggustovuni og barnagarðinum í Kongagøtu.

Seinni vera væntandi pláss í Miðstovninum í Realskúlanum, sigur Tórshavnar kommuna.

Tillagingar í Kongagøtu gera, at pláss vera tøk har eftir summarfrítíðina.

Býttur í stovur

Miðstovnurin í Kongagøtu verður býttur í stovur, sum vanligt er í øðrum dagstovnum í Tórshavnar kommunu. 

Virksemið í Miðstovninum í Realskúlanum er opið og funksjónsbýtt.

Har eru millum annað virksemisrúm, verkstaður og sansastovu. Tann leisturin heldur fram.

Børn, sum longu eru á bíðilista til Miðstovnin, varðveita sína uppskriving.