- Tíðindi, mentan og ítróttur
Føroyingar kunnu ikki keypa frá Temu
Føroyingar kunnu ikki keypa frá Temu
Posta hevur ongan pakka avgreitt frá kinesiska nethandlinum
![](https://kvf.fo/sites/default/files/styles/grein-ovasta-mynd/public/temu.png?itok=ulNq1NGT)
Temu er væl umtóktur nethandil, men Føroyar eru ikki millum londini, sum kunnu keypa frá Temu.
21.08.2024 - 10:55
Tá danski brúkarafelagsskapurin Tænk kannaði 38 vørur frá kinesiska nethandlinum Temu, stóðu 30 teirra ikki royndina.
Vørurnar lúka ikki krøvini, sum eru galdandi í Evropa.
Tær kunnu vera heilsuskaðiligar, og trygdin hjá teimum, sum brúka tær, kann vera í vanda.
Serliga fyri børn eru tær skaðiligar, sigur Tænk.
Temu hevur svarað, at vørurnar, sum Tænk kolldømdi, eru ikki til sølu, meðan Temu kannar tær.
Føroyar eru ikki millum londini, sum kunnu keypa frá Temu.
Posta upplýsir, at tey hava ongan pakka avgreitt frá Temu.
Nýggjastu sendingar í ÚV
Nýggjastu sendingar í SV