![](https://kvf.fo/sites/default/files/styles/myndasavn-width/public/vlcsnap-2020-10-26-10h29m39s004.png?itok=j7PGAAXf)
- Tíðindi, mentan og ítróttur
Fundur í morgin um nýggja fongslið
![](https://kvf.fo/sites/default/files/styles/grein-ovasta-mynd/public/bjarni-og-peter.jpg?itok=IRVOw5O4)
Í morgin hava danski løgmálaráðharrin, Peter Hummelgaard, og Bjarni Kárason Petersen, landsstýrismaður í lógarmálum, fund í Havn um, hvar fongslið í Føroyum skal vera og um sektir, sum føroyskir myngugleikar geva á yvirtiknum málsøkjum.
Tær fara í statskassan, men landsstýrið heldur, at tær eiga at fara í landskassan.
Kommunur hava víst á sjey støð, har fongslið kann byggjast. Uppskotini eru komin frá tíggju kommunum.
Avgerð um staðsetingina verður ikki tikin á fundinum í morgin, sigur Bjarni Kárason Petersen.
Varðhaldið í Mjørkadali.Tíggju kommunur hava víst á sjey støð, har nýtt fongsul kann byggjast.
8,7 mió. til KT
Teir báðir skulu eisini tosa um tær 8,7 mio. kr., sum Føroyar fáa burtur úr semjuni, sum er gjørd um dómstólarnar í danska ríkinum.
Tær skulu brúkast til KT hjá Føroya rætti.
Peter Hummelgaard skal eisini hitta ríkisumboðið, meðan hann er í Føroyum. Og hann skal vitja politiið, varðhaldið og Føroya rætt.
Danski løgmálaráðharrin verður eisini við, tá politiið tekur nýggja skjótivøllin í Norðradali í nýtslu fríggjadagin.